Villandi fyrirsögn á frétt...

Fyrirsögn þessarar fréttar er afar villandi. Hún segir að 20% af þeim sem hafa flensu séu á gjörgæslu. Þegar fréttinn er lesin þá kemur í ljós að sú er ekki raunin heldur eru 20% þeirra sem liggja á gjörgæslunni með flensuna.

Með öðrum orðum; einn af hverjum fimm á gjörgæslunni er sjúklingur með flensu. Það er allt annað mál.

20% flensusjúklinga á gjörgæslu

Athugasemdir

[Tinna Gunnarsdóttir Gígja, 26.10.2009 kl. 07:36]

Þetta er reyndar ekki alveg rétt hjá þér.

"Farsóttarnefnd Landspítala segir að það veki athygli hve hátt hlutfall sjúklinga, sem þurfa að leggjast inn vegna inflúensu um þessar mundir, leggist á gjörgæsludeildir. Á hverjum tíma séu um 20% sjúklinga með inflúensu á Landspítala á gjörgæsludeild."

20% þeirra sem þurfa að leggjast inn á spítala vegna flensu þurfa að fara á gjörgæsludeild. Hin 80% leggjast væntanlega á almennar deildir, (þá líklegast lungnadeild?) en langflestir sem fá flensuna þurfa alls ekki að leggjast inn á spítala. Fyrirsögn mbl.is er því villandi, en þín túlkun er ekki rétt heldur. Skárri fyrirsögn hefði verið "20% innlagðra flensusjúklinga á gjörgæslu".